តើមូលនិធិសម្រាប់អាសន្នចាំបាច់ប៉ុណ្ណា?

Posted on

ហេតុអ្វីត្រូវចាំបាច់បង្កើតមូលនិធិសម្រាប់អាសន្ន? ក្នុងឆាកជីវិតមនុស្សម្នាក់ៗ មើលមិនឃើញ ទាយមិនត្រូវនោះទេ។ ថ្ងៃនេះសប្បាយចិត្ត ថ្ងៃស្អែកអាចនឹងមានទុក្ខ មានរឿងកើតឡើងដែលមិនបានព្រៀងទុកជាច្រើន។ ដូចនេះហើយទើបអ្នកចាំបាច់ត្រូវមានមូលិនិធិសម្រាប់ពេលអាសន្ន គ្រាន់ជួយដោះទាល់ពេលត្រូវការ។ អ្វីទៅជាមូលនិធិសម្រាប់អាសន្ន? វាគឺជាប្រាក់ឬគណនីដែលបង្កើតឡើង ដើម្បីតម្កល់ទុកសាច់ប្រាក់មួយចំនួនធំសម្រាប់ប្រើប្រាស់ពេលមានអាសន្ន ឬការចំណាយណាមួយដែលមិនបានព្រៀងទុកដូចជា សម្រាប់ពេលឈឺសង្គ្រោះបន្ទាន់ ជួសជុលផ្ទះ ជួលជុលឡាន ជាដើម។ ហេតុអ្វីចាំបាច់មានមូលនិធិសម្រាប់អាសន្ន? ចម្លើយគឺ ដើម្បីចៀសវាងការខ្ចីប្រាក់ពីធនាគារឬអ្នកដទៃ។ ការដែលមានលុយសម្រាប់សង្គួរខ្លួនឯងជាការល្អ ពីព្រោះពេលដែលយើងមានបញ្ហា ប្រាកដជាមានមនុស្សមិនច្រើនទេដែលទុកចិត្ត និងឲប្រាក់ខ្ចី។ អាស្រយ័ហេតុនេះហើយ ពាក្យចាស់ខ្មែរពោលថាខ្លួនទីពឹងខ្លួន។ តើគួរសន្សំប្រាក់ប៉ុន្មាន? មូលនិធិសម្រាប់អាសន្នខុសពី ការសន្សំធម្មតាទូទៅ អ្នកចាំបាច់ត្រូវមានប្រាក់មួយចំនួនធំសម្រាប់តម្កល់ទុក។ ជាការល្អអ្នកគួរដកប្រាក់ខែឬប្រាក់បៀវត្សន៍ចំនួន ៣ ទៅ ៦ខែនៃចំនួនដែលអ្នកទទួលបានក្នុងមួយឆ្នាំ យោងទៅតាមលទ្ធភាព។

០%នៃការបង់ប្រាក់ដែលមានប្រាក់កក់ស្រាប់ 0% Down payment?

Posted on

  ការបង់រំលស់? ការបង់ប្រាក់ដែលមានប្រាក់កក់? (English from page 5)   ការបង់មានប្រាក់កក់ដោយគិតការប្រាក់០%? តើអ្នកសប្បាយចិត្ត ឬ មិនសប្បាយចិត្ត?   មុនពេលដែលអ្នកពិភាក្សាអំពីបញ្ហានេះ ស្ពាននឹងពន្យល់ប្រាប់អ្នក តើគួរបង់ប្រាក់លើប្រាក់កម្ចី ទិញផ្ទះតាមវិធីណា   នៅក្នុងប្រទេសកម្ពុជា មានអតិថិជនជាច្រើនបានខ្ចីប្រាក់ដើម្បីទិញផ្ទះ   វាជាការពិតនឹងប្រសើរណាស់ ពេលដែលអ្នកមានផ្ទះផ្ទាល់ខ្លួន ប៉ុន្តែមានអតិថិជនជាច្រើនត្រូវការប្រាក់កម្ចីផ្ទះដើម្បីទិញផ្ទះមែនទេ?   ពួកយើងបានរៀនអំពីវាហើយនៅក្នុងអត្ថបទមុនៗ   ប៉ុន្តែចាំបន្តិច តើពួកយើង ត្រួវបង់ប្រាក់តាមវិធីណ?  

តើគួរទិញឥវ៉ាន់តាមផ្សារឬតាមទូរសព្ទ័?

Posted on

ដោយសារតែបច្ចេកវិទ្យាជឿនលឿន ការទិញទំនិញក៏លែងពិបាកទៀតដែរចង់បានអ្វីចុចនឹងបានដូចចិត្ត។ ការទិញទំនិញអនឡាញបច្ចុប្បន្ននេះត្រូវបានជ្រើសរើសជាវិធីងាយៗក្នុងការទិញឥវ៉ាន់ពីសំណាក់យុវជនខ្មែរ។  យ៉ាងណាមិញ សម្រាប់អ្នកដែលចូលចិត្តដើរផ្សារក៏នៅតែបន្ដ ទិញឥវ៉ាន់តាមរបផបធម្មតា។ អាស្រយ័ហេតុនេះទើបមានសំណួរចោទសួរថា៖ តើអ្នកគួរទិញទំនិញដោយផ្ទាល់ ឬតាមអនឡាញ? បើនិយាយអំពីភាពងាយស្រួលនោះ​ ការទិញទំនិញតាមអនឡាញ គឺពិតជាមានភាពងាយស្រួល។ គ្រាន់តែលោកអ្នកមានអ៊ីនធឺណែត ទូរស័ព្ទដៃទំនើបឬកុំព្យូទ័រនោះ អ្នកអាចធ្វើការកុម្ម៉ង់ឬទិញឥវ៉ាន់ ពីផ្ទះឬកន្លែងធ្វើការរបស់អ្នក ដោយពុំចាំបាច់ធ្វើដំណើរចេញក្រៅ។ ប៉ុន្តែយ៉ាងណាមិញ អ្នកអាចតានតឹងដោយសារទំនិញ មិនអាចទិញភ្លាមបានភ្លាមដូចចិត្ត ជាពិសេស ចំពោះទំនិញដែលអ្នកកុម្ម៉ង់មកពីក្រៅប្រទេស។ សម្រាប់ការទិញទំនិញដោយផ្ទាល់ អ្នកត្រូវចំណាយពេលវេលាច្រើន​ និងលុយកាក់ទៅលើការធ្វើដំណើរទៅមកជាដើម ប៉ុន្តែការទៅដល់ហាងដោយផ្ទាល់ អាចធ្វើឱ្យអ្នកមានជម្រើសច្រើន ទិញភ្លាមបានភ្លាម និងមើលដឹងពីគុណភាពទំនិញដោយផ្ទាល់ភ្នែក ព្រោះការទំនិញទំនិញតាមអនឡាញ​ពេលខ្លះ មានតម្លៃថ្លៃជាង​ បូករួមទាំងតម្លៃដឹកជញ្ជូនឥវ៉ាន់ ហើយជួនកាល ទំនិញអាចបាត់បង់ឬខូចខាត។ មួយវិញទៀត បញ្ហាចម្បងដែលកើតឡើងជារឿយៗ​ ចំពោះការទិញទំនិញតាមអនឡាញ​នោះគឺ ការបោកប្រាស់ក្លែងបន្លំ ដូចជាករណីដែលយើងតែងឃើញនៅលើហ្វេសប៊ុក​ ដែលអតិថិជនមួយចំនួន មិនបានទទួលឥវ៉ាន់ ដែលខ្លួនបានកក់លុយរួចទុកជាមុន។ សម្រាប់ការទិញទំនិញដោយផ្ទាល់​ ក៏អាចមានបញ្ហាខ្លះដែរ​ ព្រោះអតិថិជនច្រើន​ ត្រូវមានការរង់ចាំយូរ ខាតម៉ោងសម្រាប់ធ្វើអ្វីៗផ្សេងទៀត។ មិនថាអ្នកធ្វើការទិញទំនិញតាមអនឡាញឬដោយផ្ទាល់ អ្នកគួរដើរទិញជាមួយមិត្តៗ ឬសមាជិកក្រុមគ្រួសារ​ ព្រោះពួកគេអាចផ្ដល់មតិយោបល់ឬការណែនាំ ដើម្បីជៀសវាងពីការខកចិត្តណាមួយ ដែលនឹងអាចកើតមានឡើង។

[ពត៌មាន/NEWS]លំហូរ​ហិរញ្ញវត្ថុ​ខុស​ច្បាប់​មក​កម្ពុជា​ មាន​រាប់ពាន់​លាន illicit financial flows

Posted on

លំហូរ​ហិរញ្ញវត្ថុ​ខុស​ច្បាប់​មក​កម្ពុជា​ មាន​រាប់ពាន់​លាន   Illicit trade lost millions of tax revenue     សម្រាប់ការអានបន្ថែម សូមចុចទីនេះ   To read more, please click here   (The article is originally from Post Khmer/ Phnom Penh Post)

គន្លឹះរៀបចំហិរញ្ញវត្ថុទាំង ៣ចំណុច សម្រាប់សហគ្រិនក្មេងខ្ចីទាំងឡាយ

Posted on

គន្លឹះរៀបចំហិរញ្ញវត្ថុទាំង ៣ចំណុច សម្រាប់សហគ្រិនក្មេងខ្ចីទាំងឡាយ សម្រាប់សហគ្រិនវយ័ក្មេងទាំងឡាយនៅកម្ពុជា វាប្រាកដជាមានការលំបាកក្នុងរៀបចំទុកដាក់ ចាយវាយ និងសន្សំដើម្បីធ្វើឲហរិញ្ញវត្ថុដែលមាននៅក្នុងដៃមានប្រសិទ្ធភាពនិងស្ថេរភាពសម្រាប់មុខជំនួញរបស់អ្នក។ ខាងក្រោមនេះជាដំបូន្មានខ្លះៗដែលអ្នកពុំគួរមើលរំលង៖   ១ ពិនិត្យមើលឥណទានរបស់អ្នក ប្រជាជនខ្មែរភាគច្រើនមិនសូវចាប់អារម្មណ៌ពីពិន្ទុឥណទានរបស់ពួកគេឡើយ។ អាស្រយ័ហេតុនេះ ប្រសិនបើអ្នកស្ថិតនៅក្នុងជំពូកក្រុមនេះ អ្នកចាំបាច់ត្រូវស្ទុះស្ទា ខ្វាត់ខ្វែងស្នើសុំរបាយការណ៍ឥណទានពីធនាគារដោយឥតគិតថ្លៃ។ ព្រោះថានៅពេលដែលអ្នកដឹងអំពីពិន្ទុនិងស្ថានភាពរបស់អ្នកហើយវាបង្កភាពងាយស្រួលសម្រាប់អ្នកក្នុងការសន្សំពិន្ទុបន្ថែមដើម្បីជាប្រយោជន៍ដល់មុខជំនួញរបស់អ្នក និងការគ្រប់គ្រងហិរញ្ញវត្ថុ។   ២ សន្សំសំចៃតាមដែលអាចទៅរួច វាប្រហែលជាពិបាកបន្ដិចនៅពេលតំបូងក្នុងការកាត់បន្ថយការចាយវាយរបស់អ្នកប្រចាំថ្ងៃ ដើម្បីសន្សំលុយខ្លះក្នុងការវិនិយោគជំនួញរបស់អ្នក។ អ្នកមិនចាំបាច់កាត់បន្ថយចំណាយទាំងស្រុងនោះទេ សន្សំក្បាលកាក់ក៏អាចជួយសម្រួលអ្នកខ្លះដែរ។ ឧទាហរណ៍៖ បើអ្នកចូលចិត្តញាំុកាហ្វេប្រ៊េនមួយកែវ ៥ដុល្លារ នោះអ្នកគប្បីកាត់បន្ថយមកញាុំកាហ្វេឆុងខ្លួនឯងនៅផ្ទះវិញ។   ៣ ស្វែងរកអ្នកផ្ដល់ដំបូន្មានផ្ទាល់ខ្លួន សម្រាប់ចំណុចនេះប្រហែលជាមិនសូវនិយមក្នុងស្រទាប់ប្រជាជនខ្មែរនោះទេ ប៉ុន្ដែការដែលមានមនុស្សម្នាក់ដែលមានបទពិសោធន៍ក្នុងការផ្ដល់ដំបូន្មានដល់អ្នកជាការល្អសម្រាប់សហគ្រិនថ្មីថ្មោង។ អ្នកទាំងនោះអាចជួយឲអ្នករីកចម្រើន និងផ្ដល់មេរៀនជីវិតនានាដល់អ្នក សម្រាប់ការធ្វើជំនួញ។