ហេតុអ្វីត្រូវចាំបាច់បង្កើតមូលនិធិសម្រាប់អាសន្ន? ក្នុងឆាកជីវិតមនុស្សម្នាក់ៗ មើលមិនឃើញ ទាយមិនត្រូវនោះទេ។ ថ្ងៃនេះសប្បាយចិត្ត ថ្ងៃស្អែកអាចនឹងមានទុក្ខ មានរឿងកើតឡើងដែលមិនបានព្រៀងទុកជាច្រើន។ ដូចនេះហើយទើបអ្នកចាំបាច់ត្រូវមានមូលិនិធិសម្រាប់ពេលអាសន្ន គ្រាន់ជួយដោះទាល់ពេលត្រូវការ។   អ្វីទៅជាមូលនិធិសម្រាប់អាសន្ន? វាគឺជាប្រាក់ឬគណនីដែលបង្កើតឡើង ដើម្បីតម្កល់ទុកសាច់ប្រាក់មួយចំនួនធំសម្រាប់ប្រើប្រាស់ពេលមានអាសន្ន ឬការចំណាយណាមួយដែលមិនបានព្រៀងទុកដូចជា សម្រាប់ពេលឈឺសង្គ្រោះបន្ទាន់ ជួសជុលផ្ទះ ជួលជុលឡាន ជាដើម។   ហេតុអ្វីចាំបាច់មានមូលនិធិសម្រាប់អាសន្ន? ចម្លើយគឺ ដើម្បីចៀសវាងការខ្ចីប្រាក់ពីធនាគារឬអ្នកដទៃ។ ការដែលមានលុយសម្រាប់សង្គួរខ្លួនឯងជាការល្អ ពីព្រោះពេលដែលយើងមានបញ្ហា ប្រាកដជាមានមនុស្សមិនច្រើនទេដែលទុកចិត្ត និងឲប្រាក់ខ្ចី។ អាស្រយ័ហេតុនេះហើយ ពាក្យចាស់ខ្មែរពោលថាខ្លួនទីពឹងខ្លួន។   តើគួរសន្សំប្រាក់ប៉ុន្មាន? មូលនិធិសម្រាប់អាសន្នខុសពី ការសន្សំធម្មតាទូទៅ អ្នកចាំបាច់ត្រូវមានប្រាក់មួយចំនួនធំសម្រាប់តម្កល់ទុក។ ជាការល្អអ្នកគួរដកប្រាក់ខែឬប្រាក់បៀវត្សន៍ចំនួន ៣ ទៅ ៦ខែនៃចំនួនដែលអ្នកទទួលបានក្នុងមួយឆ្នាំ យោងទៅតាមលទ្ធភាព។

របៀបទិញទំនិញឲបានថោក  ការទិញទំនិញគឺជារឿងមួយដែលមិនអាចខានបាន ប៉ុន្ដែបើអ្នកស្ថិតនៅក្នុងស្ថានភាពសន្សំប្រាក់ ការដើរទិញទំនិញវាជារឿងមួយដែលធ្វើអោយអ្នកពិបាកក្នុងការសម្រេចចិត្តមែនទែន។ តើអ្នកចង់ដឹងនូវវិធីសាស្ត្រដែលធ្វើអោយអ្នកមានភាពឆ្លាតវៃក្នុងការដើរទិញទំនិញដែរឬទេ?អ្នកអាចទិញនូវអ្វីដែលអ្នកចង់បាន ហើយចំណាយប្រាក់តិចប៉ុណ្ណោះ។ ខាងក្រោមនេះគឺជាវិធីសាស្ត្រក្នុងការទិញប្រកបដោយភាពឆ្លាសវៃដែលធ្វើអោយអ្នកទទួលបាននូវអ្វីដែលអ្នកចង់បាន ហើយមិនបាច់ចំណាយប្រាក់ច្រើននោះទេ ដោយគ្រាន់តែអ្នកអាចសាកល្បងនូវវិធីដូចខាងក្រោម៖ ១.ទិញនៅពេលមានការលក់បញ្ចុះតម្លៃ បើអ្នកចង់បាននូវរបស់អ្វីមួយប៉ុន្ដែអ្នកមិនមានលុយគ្រប់គ្រាប់ដើម្បីទិញវា អ្នកអាចរង់ចាំឱកាសនៃការលក់បញ្ចុះតម្លៃ ដូចជារដូវចូលឆ្នាំ បុណ្យអ៊ុំទូក បុណ្យណូអ៊ែល និងក្នុងឱកាសជិតដល់ចូលឆ្នាំសកល ឬគម្រប់ខួបនៃការបើកហាងលក់ ឬជាប្រម៉ូសិនរបស់ហាងជាដើម។ ក្នុងឱកាសទាំងអស់នេះ អ្នកនឹងទិញបាននូវផលិតផលដែលមានតម្លៃធូរថ្លៃជាមិនខាន។ ប៉ុន្ដែអ្នកគួរទិញនូវអ្វីដែលជាតម្រូវការចាំបាច់បានហើយ មិនគួរចេះតែទិញទំនិញដោយសារគេលក់បញ្ចុះតម្លៃឡើយ វានឹងធ្វើអោយអ្នកកាន់តែខាតបង់ប្រាក់កាសច្រើនព្រោះការចំណាយមិនបានត្រឹមត្រូវចំគោលដៅ។ ២.ទិញតាមផ្សាររាយរង របស់តាមផ្សារធម្មតាក៏មិនប្រាកដថាអន់ឬមិនស្អាតដែរ។ ទំនិញខ្លះស្អាតហើយគុណភាពល្អទៀត ឧទាហរណ៌ បើអ្នកចង់ទិញខោអាវ ក្រៅពីហាងទំនើប អ្នកក៏អាចរកទិញបានតាមផ្សារធម្មតាបាន ដូចជា អូឡាំពិក អូរឬស្សី បឹងកេងកងជាដើម។ ចំណាយតិចតែទិញបានច្រើន ជួរមកផ្ទះវិញមួយហត់។  

តើគណនីមានកាលកំណត់គឺជាអ្វី? តើប្រាក់បញ្ញើមានកាលកំណត់ធ្វើការយ៉ាងដូចម្តេច?   គណនីបញ្ញើមានកាលកំណត់គឺជាប្រភេទគណនីសន្សំឬគណនីធនាគារដែលធានានឹងផ្ដល់ឲអតិថិជននូវអត្រាការប្រាក់ថេរ។ ជាការតបស្នងវិញអតិថិជនត្រូវមានការយល់ស្របនឹងមិនដកប្រាក់ឬប្រើប្រាស់ប្រាក់បញ្ញើទាំងនេះក្នុងរយៈពេលជាក់លាក់ណាមួយទៅតាមលក្ខខណ្ឌធនាគារ។ នៅក្នុងការដាក់ប្រាក់បញ្ញើមានកាលកំណត់ការប្រាក់នឹងត្រូវរាប់បញ្ចូលពីលើប្រាក់បញ្ញើដើមនៅពេលចុងបញ្ចប់នៃរយៈពេលកំណត់។ នេះមិនដូចគណនីបញ្ញើសន្សំធម្មតានោះទេ ដែលការប្រាក់ត្រូវទូទាត់បូកបញ្ចូលក្នុងគណនីរបស់អ្នកយ៉ាងទៀងទាត់ជារៀងរាល់ខែ។ ការប្រាក់ដែលអ្នកទទួលបាននឹងមានការកើនឡើង យោងតាមរយៈពេលបញ្ញើ។   តើប្រាក់បញ្ញើមានកាលកំណត់ធ្វើការយ៉ាងដូចម្តេច?   ដើម្បីទទួលបានការប្រាក់ថេរ អ្នកត្រូវយល់ព្រមតាមលក្ខខណ្ឌដោយមិនដកថវិការដែលជាប្រាក់បញ្ញើស្របតាមពេលវេលាជាក់លាក់ណាមួយ។   រយៈពេលដាក់ប្រាក់មានកាលកំណត់អាចប្រែប្រួលគ្រប់ទីកន្លែងពីខែទៅឆ្នាំ ។ ចំណែកអាត្រាការប្រាក់ក៏ខុសគ្នាដែរ ពីធនាគារមួយទៅធនាគារមួយទៀត។   នៅពេលអ្នកវិនិយោគលើការដាក់ប្រាក់បញ្ញើថេរអ្នកត្រូវបានបង្ហាញជាមួយ “ការកាន់កាប់” ឬជម្រើសរយៈពេលផ្សេងៗគ្នា។ មួយខែ 3 ខែ 6 ខែ 1 ឆ្នាំ។ ល។

នរណាខ្លះមិនចង់ក្លាយជាអ្នកមាន? មនុស្សជាច្រើនប្រាថ្នាចង់បានជីវិតរស់នៅ ដែលពោរពេញទៅភាពសប្បាយរីករាយសុខដុមរមនា។ ប៉ុន្តែពួកគេទាំងអស់មិនមែនសុទ្ធតែអាចបំពេញក្ដីស្រមៃរបស់ពួកគេបានទេ។ តើអ្វីខ្លះដែលរារាំងមនុស្សមួយចំនួន ពីការក្លាយខ្លួនជាអ្នកមាន? ១. អ្នកសាកសួរខុសមនុស្សសម្រាប់ដំបូន្មាន ប្រសិនបើអ្នកទទួលយោបល់ឬដំបូន្មានពីបុគ្គល ដែលមិនដឹងប្រាកដប្រជាពីអ្វី ដែលពួកគេកំពុងនិយាយ អ្នកមិនអាចយកឈ្នះជីវិតរបស់អ្នកបានឡើយ។ ការស្វះស្វែងរកបុគ្គលដែលត្រឹមត្រូវ មានបទពិសោធន៍ច្បាស់លាស់ មានចក្ខុវិស័យវែងឆ្ងាយ ពិតជាមានសារៈសំខាន់ ក្នុងការតម្រង់ទិសនិងផ្លូវសម្រាប់ឱ្យអ្នកដើរ​ ឆ្ពោះទៅរកភាពជោគជ័យ។  ២. អ្នកកំណត់ន័យខុសនៃភាពជោគជ័យ នៅពេលដែលអ្នកមិនអាចកំណត់ន័យនៃភាពជោគជ័យ អ្នកនឹងមានភាពស្រពេចស្រពិល រាល់សកម្មភាពដែលអ្នកប្រព្រឹត្ត។ តើអ្នកដឹងទេថា​ ការកំណត់អត្ថន័យនៃភាពជោគជ័យ​ ជាកត្តាជំរុញឱ្យអាជីវកម្មជាច្រើនរីកចម្រើន? ដូច្នេះ អ្នកគួររៀនស្វែងយល់ពីភាពជោគជ័យ ដើម្បីទទួលបាននូវជីវិតសុខស្រួលនាថ្ងៃមុខ។ ៣. អ្នកមានគោលដៅមិនត្រឹមត្រូវ គោលដៅរបស់អ្នកមិនគួរណា មានភាពទូលំទូលាយពេកនោះទេ។ ឧបមាថា អ្នកចង់ក្លាយជាមហាសេដ្ឋីម្នាក់ក្នុងថ្ងៃអនាគត។ នេះជាគោលដៅមួយដែលមានលក្ខណៈទូលាយខ្លាំង។ ផ្ទុយនឹងការកំណត់គោលដៅបែបនេះ អ្នកអាចងាកមកធ្វើការពិចារណាមួយជំហានទៅជំហាន ដូចជាការបើកអាជីវកម្មពីតូចទៅធំ។ មានពាក្យមួយដែលគេនិយាយថា “សន្សឹមៗ​ កុំបំបោល។” ៤. អ្នកទទួលការអប់រំច្រើនលើសលប់ ក្នុងចំណុចនេះ​ ខ្ញុំមិនមែនចង់មានន័យថា ការអប់រំនាំមកនូវភាពខូចខាតអ្វីនោះទេ។ ក៏ប៉ុន្តែល្គឹកណា​អ្នកសិក្សាច្រើនជ្រុលហួសហេតុ អ្នកអាចបាត់បង់ឱកាសនៅក្នុងពិភពជាក់ស្ដែង។ អ្នកជំនួញជោគជ័យធំៗភាគច្រើន មានគំនិតផ្ដួចផ្ដើមអាជីវកម្មនិងធ្វើការអនុវត្តជំនួញដោយផ្ទាល់ ដោយមិនបានសិក្សានៅឯមហាវិទ្យាល័យ។ សូមអ្នកចងចាំផងដែរថា ទម្លាប់របស់អ្នកជាកូនសោរនៃអ្វីដែលអ្នកចង់បាន។ អ្នកគួររៀនថ្លឹងថ្លែងនិងបោះចោលទម្លាប់ណា […]

[:kh]ជិវិតគឺរមែងតែងតែមានបញ្ហាសម្រាប់ឲ្យអ្នកដោះស្រាយបញ្ហាទាំងនោះ។ អ្នកមិនអាចហាមឃាត់បញ្ហាមិនឲ្យចូលមកបានទេ តែអ្វីដែលយើងអាចជួយអ្នកបាននោះគឺផ្ដល់នូវការ ការពារជីវិតជូនអ្នកហើយ ​វាគឺជាការធានារ៉ាប់រងជីវិត។   ការធានារ៉ាប់រងជីវិតមានន័យថា​​​ ការផ្ដល់នូវការការពារប្រាក់របស់លោកអ្នក​ ពីព្រោះយើងទាំងអស់គ្នាដឹងហើយថាគ្រោះមហន្តរាយអាចកើតឡើងគ្រប់ពេលវេលា។ ធានារ៉ាប់រងមានច្រើនជម្រើស។ វាអាចនឹងពិបាកសម្រេចចិត្តថាការធានារ៉ាប់រងណាដែលបំពេញតំរូវការជូនអ្នកបំផុតបាន។ ចំណាយប្រាក់ទៅលើធានារ៉ាប់រងណាដែលសាកសមទៅនឹងហេតុការណ៏របស់អ្នកបំផុត។   ចំនេះដឹងបន្ទាប់បន្សំខ្លះៗក៏អាចផ្ដល់ជាគំនិតជូនអ្នកក្នុងពេលទិញធានារ៉ាប់រងណាដែលល្អហើយអាចការពារអ្នកនិងក្រុមគ្រួសាររបស់អ្នកបាន នេះគឺជាវិធីដែលអាចរ៉ាប់រងបញ្ហារបស់អ្នកបាន។   នៅពេលដែលអ្នកទិញធានារ៉ាប់រងមានន័យថាអ្នកផ្ទេរថ្លៃដែលអ្នកបាត់បង់ទៅឲ្យក្រុមហ៊ុនធានារ៉ាប់រងជិវិតបង់ជូនថ្លៃដែលបាត់បង់នោះ ជំនួសអ្នកវិញ។ ក្រុមហ៊ុនធានារ៉ាប់រងជិវិតវិនិយោគទៅលើកញ្ចប់សុវត្ដិភាព ព្រមទាំងបង់ជូនអ្នកវិញនៅពេលដែលមានការតទៀមទារ។   ថ្ងៃនេះស្ពាននិងបង្ហាញអ្នកនូវផលប្រយោជន៏នៃការទិញប័ណ្ណធានារ៉ាប់រងនៅប្រទេសកម្ពុជា។