រវាងPaypalនិងCredit Card តើមួយណាជាជម្រើសល្អក្នុងបង់ថ្លៃទំនិញអនឡាញ?

រវាងPaypalនិងCredit Card តើមួយណាជាជម្រើសល្អក្នុងបង់ថ្លៃទំនិញអនឡាញ?

ដូចដែលបានដឹងហើយថា បច្ចេកវិទ្យាជាអាវុទ្ធមុខពីរ មានល្អមានអាក្រក់។ មិនខុសគ្នានោះទេ ការចែកចាយពត៌មានផ្ទាល់ខ្លួនតាមរយៈអនឡាញអាចមានផលអវិជ្ជមានមួយចំនួន តែយ៉ាងណាមិញអស់បារម្មណ៌ជាមួយPaypal ព្រោះមានប្រពន្ធ័សន្តិសុខល្អក្នុងការការពារពត៌មានរបស់អ្នក។ ទោះបីជាយ៉ាងណាក៏ដោយ   យុវជនខ្មែរមួយចំនួនធំនៅតែមានចម្ងល់ថា តើរវាងPaypalនិងCredit Cardមួយណាល្អជាងក្នុងការបង់ថ្លៃទំនិញអនឡាញ?

ខាងក្រោមជាចំណុចដែលគួរដឹង៖

ក្រេឌីតកាត៖

  • មានសុវត្ថិភាព ព្រោះវាមានលេខកូដសម្ងាត់ផ្ទាល់ខ្លួន ម៉្យាងវិញទៀតអ្នកអាចបើកឬបិទកុងរបស់អ្នកបានយ៉ាងងាយពេលដែលមានការលួចឬបាត់បង់។
  • មានភាពងាយស្រួល ព្រោះអ្នកគ្រាន់តែឆូតកាតនិងមិនចាំបាច់កាន់សាច់ប្រាក់ទាំងដុំទៅទិញឥវ៉ាន់។
  • ស្របគ្នានេះដែរក៏វាគុណវិបិត្តដែរព្រោះ ករណីការចាញ់បោកតាមប្រពន្ធ័អ៊ីនធើណេតមានការកើតឡើងដែលអ្នកគួរប្រុងប្រយត្ន័។
  • អ្នកចាំបាច់ត្រូវការបញ្ចូលទិន្ននយ័ផ្ទាល់ខ្លួនច្រើនលើក ច្រើនសាររាល់ពេលបញ្ជាទិញ។

 

Paypal

  • អ្នកអាចទិញទំនិញបានស្ទើរតែគ្រប់ហាងទំនិញជុំវិញពិភពលោកជាពិសេស

ខាងសហគមន៍អឺុរ៉ុប។

  • អ្នកមិនចាំបាច់បញ្ចូលពត៌មានច្រើនដង គ្រាន់តែចុះឈ្មោះម្ដងជាការស្រេច។
  • អ្នកមិនចាំបាច់ខ្វល់ខ្វាយពីសុវត្ថិភាពហិរញ្ញវត្ថុរបស់អ្នកនោះទេ ព្រោះមានបច្ចេកវិទ្យាតឹងរឹុងដែលអាចការពារពត៌មានរបស់អ្នកបាន។
  • បើអ្នកចំណាយច្រើន អ្នកអាចសន្សំពិន្ទុដូរយករង្វាន់ផ្សេងៗ។
  • ស្របគ្នានេះដែរក៏មានចំណុចអវិជ្ជមានដូចជា អ្នកត្រូវឆែកនិងត្រួតពិនិត្យទំនិញច្រើនដងមុនសម្រេចចិត្តបង់ថ្លៃ។
  • អ្នកត្រូវមានការប្រុងប្រយត្ន័ខ្ពស់ក្នុងការទិញទំនិញ ចៀសវាងការចាញ់បោកគេ។
  • អ្នកត្រូវបង្កើតលេខសម្ងាត់ដែលវែង សម្រាប់គណនីផ្ទាល់ខ្លួន។
  • ក្នុងករណីអ្នកដូរទូរសព្ទ័ នោះពត៌មានទាំងនោះត្រូវលុបចោល។

 

តើPaypalខុសពីCredit Cardយ៉ាងដូចម្ដេច?

តើPaypalខុសពីCredit Cardយ៉ាងដូចម្ដេច?

សម្រាប់យុវជនខ្មែរដែលចូលចិត្តទិញទំនិញតាមអនឡាញប្រាកដជាធ្លាប់ដឹងហើយ អំពីមធ្យោបាយបង់ប្រាក់អេឡិចត្រូនិចដូចជា Paypal, Mastercard, Visa Card ជាដើម។ Paypal និង Credit Card សុទ្ធសឹងតែជាមធ្យោបាយបង់ប្រាក់អេឡិចត្រូនិច ហើយវាមានភាពងាយស្រួលព្រោះមិនចាំបាច់បង់ប្រាក់សុទ្ធ។ ថ្ងៃនេះយើងសូមលើកយកពីភាពខុសគ្នារវាងPaypal និង Credit Cardមកបកស្រាយ។

 

PayPal គឺជាវិធីផ្ញើនិងទទួលប្រាក់នៅតាមអ៊ីនធឺណិត។ ជំនួសឱ្យការផ្ញើមូលប្បទានប័ត្រនិងការបញ្ជាទិញដោយប្រើលុយសុទ្ធអ្នកអាចប្រើ Paypal ។ ក្នុងករណីដែលអ្នកចង់បញ្ចូលគណនី Paypal របស់អ្នកនោះអ្នកគ្រាន់តែផ្ទេរប្រាក់ពីកាតឥណទានឬគណនីធនាគាររបស់អ្នកចូលទៅកាន់គណនី។ អ្នកមិនចាំបាច់កាន់កាបូបទៅនោះទេ កាន់តែទូរសព្ទ័មួយដែលមានគណនីនោះជាការស្រេច។ លើសពីនេះទៅទៀតអ្នកអាចពិនិត្យមើលសាច់ប្រាក់និងតាមដានការហិរញ្ញវត្ថុរបស់អ្នកតាមទូរសព្ទ័ដៃបានយ៉ាងងាយ។ ថ្វីបើ Paypal មានប្រតិបត្តិការនៅតាមបណ្តាប្រទេសភាគច្រើននិងអាចប្រើបានប្រហែល 19 រូបិយប័ណ្ណក៏ដោយ ក៏ប្រតិបត្តិការឥតក្រដាសនេះមិនទាន់បានទៅដល់ប្រទេសមួយចំនួននៅឡើយ។

 

ប័ណ្ណឥណទានគឺគ្រាន់តែជាកាតប្លាស្ទិកដែលត្រូវបានប្រើជំនួសប្រាក់ពិត។ ដូចគ្នានឹង Paypal ដែរអ្នកអាចទិញទំនិញនិងទទួលបានការទូទាត់ដោយប្រើប័ណ្ណឥណទាន។ ខុសពី Paypal បណ្ណ័ឥណទានមានកម្រិត បើសិនជាអ្នកចាយលើសកម្រិតនោះមាននយ័ថា អ្នកកំពុងខ្ចីប្រាក់ពីធនាគារ។ ប្រសិនបើអ្នកមានប័ណ្ណឥណទានអ្នកមិនចាំបាច់ព្រួយបារម្ភអំពីសមតុល្យគណនីពិតប្រាកដរបស់អ្នកទេព្រោះអ្នកអាចទិញអ្វីបានដោយការខ្ចីលុយពីធនាគារ។

ជាទូទៅប័ណ្ណឥណទានមានកាលបរិច្ឆេទនៅពេលដែលដល់ពេលកំណត់អ្នកត្រូវតែបង់ប្រាក់សងធនាគារហើយមិនមានគិតការប្រាក់ឡើយ។ ទោះជាយ៉ាងណាក៏ដោយ ក្នុងករណីអ្នកបង់ប្រាក់យឺត នោះអ្នកត្រូវតែបង់ប្រាក់ពិនយ័បន្ថែមពីលើប្រាក់បំណុល។

 

តើធនាគារយកលុយខ្ញុំទៅធ្វើអ្វីខ្លះ?

តើធនាគារយកលុយខ្ញុំទៅធ្វើអ្វីខ្លះ?

អ្នកអានទាំងអស់គ្នាមានដែលឆ្ងល់ទេ ថាតើធនាគារយកលុយអ្នកទៅធ្វើអ្វីខ្លះ

ប្រជាជនខ្មែរមិនតិចអ្នកទេ ដែលយកលុយទៅដាក់ធនាគារ។ អត្ថបទថ្ងៃនេះនឹងលើកកកាយពីអ្វីដែលធនាគារធ្វើចំពោះលុយអ្នក៖

 

  • ធនាគារយកលុយរបស់អ្នកទៅបង់សេវាកម្ម ដែលពួកគេដាក់តម្លើងក្នុងទូរសព្ទ័ដៃ ឬតាមអ៊ីនធើណេត។

 

  • ចំណាយលើថ្លៃកាតឥណពន្ធដែលមានបន្ទះឈីប ថ្ម និងបច្ចេកវិទ្យាទូទាត់ដោយស្វយ័ប្រវត្តិ។

 

  • បង់ថ្លៃប្រតិបត្តិការប័ណ្ណឥណពន្ធនៅតាមក្រុមហ៊ុនឬកន្លែងលក់រាយតូចតាចដែលទទួលយកកាតសម្រាប់ទូទាត់ប្រាក់។

 

  • សម្រាប់ថ្លៃសេវាកម្មឲទៅធនាគារផ្សេងរាល់ពេលអ្នកដកសាច់ប្រាក់ពីម៉ាស៊ីនធនាគារ។

 

  • លុយរបស់អ្នកមិនមែនតម្កល់ទុកមួយកន្លែងនោះទេ។ ជារៀងរាល់ពេល ធនាគាររមែងដកយកប្រាក់របស់អ្នកដើម្បីវេរបន្ដសម្រាប់អ្នកស្នើសុំប្រាក់កម្ចី។ កុំភយ័អី!! លុយរបស់អ្នកមិនទៅណ​ានោះទេ។

 

 

កម្រងសំណួរចម្លើយទាំង២២ដែលនិយមសួរពេលសម្ភាសន៍ (ភាគទី2)

កម្រងសំណួរចម្លើយទាំង២២ដែលនិយមសួរពេលសម្ភាសន៍ (ភាគទី2)

អត្ថបទនេះជាកម្រងសំណួរចម្លើយបន្ដពីភាគទី១ដែលសរសេរឡើងដើម្បីជាប្រយោជន៍ក៏ដូចជាជួយសម្រួលដល់ប្រជាជនខ្មែរនិងអ្នកអានទាំងអស់ក្នុងការត្រៀមខ្លួនមុនពេលសម្ភាសន៍។ ខាងក្រោមនេះជាកម្រងសំណួរនិងចម្លើយចំនួន១១៖

 

១៣ តើអ្នករំពឹងប្រាក់ខែប៉ុន្មាន?

រំពឹងច្រើនពេកអ្នកអាចបាត់បង់ឱកាស តិចពេកបាត់បង់ប្រយោជន៍ ហេតុដូចនេះត្រូវស្វែងយល់ពីកម្រិតប្រាក់ខែសម្រាប់មុខតំណែងដែលបានដាក់ជាមុនសិនមុនមកសម្ភាសន៍តាមអ៊ីនធើណេតឬសាកសួរអ្នកដទៃ។

 

១៤ តើអ្នកពូកែក្នុងការធ្វើការងារក្រុមឬទេ?

ទោះមិនពូកែក៏ត្រូវតែឆ្លើយ ស្របតាមសំណួរដែរ។ នេះជាឱកាសក្នុងការបង្ហាញសក្ដានុពលជាអ្នកដឹកនាំពីកំណើត។

 

១៥ តើមានអ្វីដែលធ្វើឱ្យអ្នកមួរម៉ៅអំពីមនុស្សដែលអ្នកធ្លាប់ធ្វើការជាមួយទេ?

ទោះអ្នកធ្លាប់មានទំនាស់នឹងពិបាកក្នុងការរួមការងារក៏ដោយ ក៏គប្បីឆ្លើយថា អ្នកមិនមានបញ្ហាក្នុងការរួមការងារនោះទេ បើមានតិចតួចក៏អាចដោះស្រាយបានតាមសន្ដិវិធី។

 

១៦ តើមាននរណាម្នាក់ដែលអ្នកមិនអាចធ្វើការជាមួយបានទេ?

គ្មាននរណាម្នាក់ដែលខ្ញុំមិនអាចធ្វើការជាមួយបាននោះទេ ដរាបណាយើងចេះគោរពឲតម្លៃគ្នា។

 

១៧ ប្រាប់អំពីបញ្ហាណាមួយដែលអ្នកធ្លាប់មានពីមុន។

ធម្មតាទេ បញ្ហាអ្នកណាក៏ធ្លាប់មានដែរ តែបើវាតិចតួចមិនបាច់លើកឡើងទេ ហើយប្រាប់ត្រង់ថាអត់តែម្ដងទៅ។

 

១៨ តើអ្នកធ្វើការដើម្បីប្រាក់ខែឬចំណូលចិត្ត?

អ្នកអាចនិយាយថាប្រាក់ខែជាកត្តាជម្រុញមួយ ក៏ប៉ុន្ដែបើការងារដែលអ្នកធ្វើគឺជាការងារដែលមិនចូលចិត្តឬមិនស្រលាញ់ក៏គ្មាននយ័ដែរសម្រាប់អ្នក។

 

១៩ តើអ្នកជាមនុស្សដែលគួរឲចូលចិត្តឬគួរឲខ្លាច?

តបទៅវិញថា អ្នកជាមនុស្សងាយស្រួលចុះសម្រុងនិងយោគយល់ ថែមទាំងចេះគោរពអ្នកដទៃ យ៉ាងណាមិញអ្នកក៏ជាមនុស្សហ្មត់ចត់និងច្បាស់លាស់ក្នុងការងារ។ ដូចនេះគ្មានអ្វីដែលគួរឲខ្លាចនោះទេ។

 

២០ តើអ្នកមានឆន្ទៈក្នុងការដាក់ផលប្រយោជន៍ក្រុមហ៊ុននៅពីមុខជានិច្ចផលប្រយោ

ជន៍របស់អ្នកដែរឬទេ?

សំណួរនេះរាងពិបាកបន្ដិច តែយ៉ាងណានៅចំណុចនេះអ្នកកំពុងតែចង់ឲគេមើលមកអ្នកក្នុងនាមជាបុគ្គលិកល្អដូចនេះ អ្នកច្បាស់ជាត្រូវនិយាយថា យេស ហើយ។

 

២១ ហេតុអ្វីត្រូវជ្រើសរើសអ្នក?

កុំព្យាយាមបង្ហាញថាអ្នកជាមនុស្សដែលល្អលើសគេ ខ្វះមិនបាន។ ប៉ុន្ដែត្រូវរៀបរាប់ពី បទពិសោធន៍ ទេពកោសល្យដែលសមស្របនឹងមុខតំណែងនោះ។

 

២២ តើអ្នកមានសំណួរអ្វីដែលចង់សួរមកកាន់ពួកយើងដែរឬទេ?

អ្នកអាចសួរអ្វីក៏បាន ឲតែអ្នកឆ្ងល់យ៉ាងសមគួរបំផុត។

 

 

កម្រងសំណួរចម្លើយទាំង២២ដែលនិយមសួរពេលសម្ភាសន៍ (ភាគទី១)

កម្រងសំណួរចម្លើយទាំង២២ដែលនិយមសួរពេលសម្ភាសន៍ (ភាគទី១)

អត្ថបទនេះសរសេរឡើងដើម្បីជាប្រយោជន៍ក៏ដូចជាជួយសម្រួលដល់ប្រជាជនខ្មែរនិងអ្នកអានទាំងអស់ក្នុងការត្រៀមខ្លួនមុនពេលសម្ភាសន៍។ ខាងក្រោមនេះជាកម្រងសំណួរនិងចម្លើយភាគទី១និយមសួរជាប្រចាំដែលអ្នកពុំគួរមើលរំលង៖

 

១ សូមប្រាប់អំពីខ្លួនអ្នក

ពេលឮសំណួរនេះអ្នកគួរឆ្លើយអំពីពត៌មានពិតផ្ទាល់ខ្លួន ដូចជា ឈ្មោះ មុខរបរ ការងារ កម្រិតវប្បធម៌ មហាវិទ្យាលយ័ សាកលវិទ្យាលយ័ដែលអ្នកសិក្សា។ អ្នកពុំគួរប្រាប់អ្វីដែលមិនមែនការពិតឬវែងឆ្ងាយពេកនោះទេ។

 

២ ហេតុអ្វីអ្នកដាក់ពាក្យនៅក្រុមហ៊ុនយើង?

មូលហេតុអ្វីដែលអ្នកសម្រេចចិត្តដើរចេញពីក្រុមហ៊ុនចាស់

សំណួរនេះរាងត្រង់បន្ដិចតែអ្នកពុំគួរឆ្លើយត្រង់ពេកដូចសំណួរទេ អ្នកគួរបង្ហាញពីមូលហេតុថា អ្នកចង់មានការរីកចម្រើនជាងមុន និងសាកល្បងអ្វីដែលថ្មី។ ដាច់ខាតកុំយករឿងប្រាក់ខែដាក់មុខធ្វើជាមូលហេតុនៃការដើរចេញពីកន្លែងចាស់របស់អ្នក។

 

៣ ប្រាប់ខ្ញុំពីអ្វីដែលអ្នកដឹងអំពីក្រុមហ៊ុននេះ។

មុនចូលសម្ភាសន៍អ្នកត្រូវសិក្សាស្វែងយល់ពីប្រវត្តិក្រុមហ៊ុននិងមុខតំណែងដែលបានដាក់ជាមុនសិន ជាជាងការឆ្លើយទាំងស្រពិចស្រពិល។

 

៤ ហេតុអ្វីអ្នកចង់ធ្វើការនៅក្រុមហ៊ុននេះ?

អ្នកត្រូវប្រើខួរក្បាលបន្ដិចមុនឆ្លើយដើម្បីទាក់ទាញចំណាប់អារម្មណ៌អ្នកសម្ភាសន៍។ អ្នកគួរនិយាយរៀបរាប់ពី គោលដៅ បំណងប្រាថ្នាការងារដែលអ្នករៀបចំសម្រាប់ថ្ងៃមុខ។

 

៥ តើអ្នកមានបទពិសោធន៍ការងារពាក់ពន្ធ៍អ្វីខ្លះ?

បើអ្នកមានបទពិសោធន៍ទាក់ទងនឹងការងារនេះច្រើនអ្នកគួរលើកកកាយមកឲអស់កុំទុក ប៉ុន្ដែបើអ្នកចាប់យកការងារថ្មីនោះអ្នកត្រូវព្យាយាមឆ្លើយយ៉ាងណាដើម្បីភ្ជាប់វាមកកាន់ទេពកោសល្យនិងអ្វីដែលអ្នកធ្វើបាន។

 

៦ ប្រសិនបើអ្នកជួបអ្នកធ្វើការចាស់ជាមួយគ្នានៅទីនេះតើពួកគេនឹងនិយាយអ្វី

អំពីអ្នក?

ទោះបីពីមុនអ្នកធ្លាប់មានជម្លោះជាមួយអ្នករួមការងារយ៉ាងណាក្ដី ក៏អ្នកត្រូវតែមានភាពវិជ្ជមានចំពោះខ្លូនឯងនិងអ្នកដទៃ ហើយតបទៅវិញថា ពួកគេនឹងនិយាយថា អ្នកជាមនុស្សខំប្រឹងប្រែង អាចទុកចិត្តបាន និងជាមិត្តរួមការងារល្អ។

 

៧ តើអ្នកបានធ្វើអ្វីខ្លះដើម្បីបង្កើនបទពិសោធន៏របស់អ្នកដែរឬទេ?

សំណួរនេះអ្នកអាចរាប់បញ្ចូលពីទម្លាប់ប្រចាំថ្ងៃនិងសកម្មភាពបានដែលជួយពង្រឹងសមត្ថភាពអ្នក ដូចជា ការអានសៀវភៅ ការងារស្មគ្រ័ចិត្តជាដើម។

 

៨ តើអ្នកបានដាក់ពាក្យនៅក្រុមហ៊ុនណាខ្លះ?

កុំខ្លាចក្នុងការបង្ហាញពីការដាក់ពាក្យទៅកាន់ក្រុមហ៊ុនផ្សេងដោយសារតែអ្នកខ្លាចពួកគេនឹងបដិសេធអ្នកអី គួររៀបរាប់ពីក្រុមហ៊ុនផ្សេងៗដោយមិនបាច់លម្អិត។ ការធ្វើបែបនេះបង្ហាញដោយប្រយោលថាអ្នកមានជម្រើសច្រើន។

 

៩ តើអ្នកធ្វើយ៉ាងណាពេលអ្នកកំពុងស្ថិតក្រោមសម្ពាធ?

ទោះបីជាត្រូវបំផ្លៃការពិតក៏ដោយ អ្នកត្រូវតែផ្ដល់ចម្លើយថា​ អ្នកចូលចិត្តធ្វើការក្រោមសម្ពាធ និងជាមនុស្សដែលមានភាពបត់បែន ថែមទាំងចូលចិត្តប្រកួតជាមួយខ្លួនឯង។

 

១០ តើអ្វីជំរុញអ្នកឱ្យធ្វើការងារល្អ?

កុំនិយាយពីរឿងប្រាក់ខែ ផ្ទុយទៅវិញគួរនិយាយថា អ្នកចង់បង្ហាញពីសមត្ថភាពខ្លួនឯងដល់អ្នកដទៃ និងបង្ហាញពីភាពជាអ្នកដឹកនាំនៅកន្លែងការងារ។

 

១១ តើអ្វីជាចំណុចខ្លាំងរបស់អ្នក?

នេះជាឱកាសសម្រាប់បង្អួតខ្លួនឯងតែកុំឲលើសពីការពិតពេក។ អ្នកអាចនិយាយបានថា អ្នកជាមនុស្សមានភាពឆ្នៃប្រឌិត អត់ធ្មត់ មានភាពបត់បែន

ជាមនុស្សសកម្មក្នុងការងារក្រុម ពូកែដោះស្រាយបញ្ហានិងលើកទឹកចិត្តអ្នកដទៃ។

 

១២ តើអ្វីជាចំណុចខ្សោយរបស់អ្នក?

សំណួរនេះបើឆ្លើយត្រង់ពេក ដូចជាទម្លាក់ខ្លួនឯងដល់បាតដី។ ដូចនេះអ្នកគួរឆ្លើយថា អ្នកជាមនុស្សដែលចំណាយពេលច្រើនលើការងារ និងមិនសូវមានពេលសម្រាប់គ្រួសារ។ អ្នកជាមនុស្សពូកែម្នាក់និងលេចធ្លោដែលពេលខ្លះបង្កជាការច្រណែនដល់អ្នកដទៃ។