តើPaypalខុសពីCredit Cardយ៉ាងដូចម្ដេច?

តើPaypalខុសពីCredit Cardយ៉ាងដូចម្ដេច?

សម្រាប់យុវជនខ្មែរដែលចូលចិត្តទិញទំនិញតាមអនឡាញប្រាកដជាធ្លាប់ដឹងហើយ អំពីមធ្យោបាយបង់ប្រាក់អេឡិចត្រូនិចដូចជា Paypal, Mastercard, Visa Card ជាដើម។ Paypal និង Credit Card សុទ្ធសឹងតែជាមធ្យោបាយបង់ប្រាក់អេឡិចត្រូនិច ហើយវាមានភាពងាយស្រួលព្រោះមិនចាំបាច់បង់ប្រាក់សុទ្ធ។ ថ្ងៃនេះយើងសូមលើកយកពីភាពខុសគ្នារវាងPaypal និង Credit Cardមកបកស្រាយ។

 

PayPal គឺជាវិធីផ្ញើនិងទទួលប្រាក់នៅតាមអ៊ីនធឺណិត។ ជំនួសឱ្យការផ្ញើមូលប្បទានប័ត្រនិងការបញ្ជាទិញដោយប្រើលុយសុទ្ធអ្នកអាចប្រើ Paypal ។ ក្នុងករណីដែលអ្នកចង់បញ្ចូលគណនី Paypal របស់អ្នកនោះអ្នកគ្រាន់តែផ្ទេរប្រាក់ពីកាតឥណទានឬគណនីធនាគាររបស់អ្នកចូលទៅកាន់គណនី។ អ្នកមិនចាំបាច់កាន់កាបូបទៅនោះទេ កាន់តែទូរសព្ទ័មួយដែលមានគណនីនោះជាការស្រេច។ លើសពីនេះទៅទៀតអ្នកអាចពិនិត្យមើលសាច់ប្រាក់និងតាមដានការហិរញ្ញវត្ថុរបស់អ្នកតាមទូរសព្ទ័ដៃបានយ៉ាងងាយ។ ថ្វីបើ Paypal មានប្រតិបត្តិការនៅតាមបណ្តាប្រទេសភាគច្រើននិងអាចប្រើបានប្រហែល 19 រូបិយប័ណ្ណក៏ដោយ ក៏ប្រតិបត្តិការឥតក្រដាសនេះមិនទាន់បានទៅដល់ប្រទេសមួយចំនួននៅឡើយ។

 

ប័ណ្ណឥណទានគឺគ្រាន់តែជាកាតប្លាស្ទិកដែលត្រូវបានប្រើជំនួសប្រាក់ពិត។ ដូចគ្នានឹង Paypal ដែរអ្នកអាចទិញទំនិញនិងទទួលបានការទូទាត់ដោយប្រើប័ណ្ណឥណទាន។ ខុសពី Paypal បណ្ណ័ឥណទានមានកម្រិត បើសិនជាអ្នកចាយលើសកម្រិតនោះមាននយ័ថា អ្នកកំពុងខ្ចីប្រាក់ពីធនាគារ។ ប្រសិនបើអ្នកមានប័ណ្ណឥណទានអ្នកមិនចាំបាច់ព្រួយបារម្ភអំពីសមតុល្យគណនីពិតប្រាកដរបស់អ្នកទេព្រោះអ្នកអាចទិញអ្វីបានដោយការខ្ចីលុយពីធនាគារ។

ជាទូទៅប័ណ្ណឥណទានមានកាលបរិច្ឆេទនៅពេលដែលដល់ពេលកំណត់អ្នកត្រូវតែបង់ប្រាក់សងធនាគារហើយមិនមានគិតការប្រាក់ឡើយ។ ទោះជាយ៉ាងណាក៏ដោយ ក្នុងករណីអ្នកបង់ប្រាក់យឺត នោះអ្នកត្រូវតែបង់ប្រាក់ពិនយ័បន្ថែមពីលើប្រាក់បំណុល។

 

តើធនាគារយកលុយខ្ញុំទៅធ្វើអ្វីខ្លះ?

តើធនាគារយកលុយខ្ញុំទៅធ្វើអ្វីខ្លះ?

អ្នកអានទាំងអស់គ្នាមានដែលឆ្ងល់ទេ ថាតើធនាគារយកលុយអ្នកទៅធ្វើអ្វីខ្លះ

ប្រជាជនខ្មែរមិនតិចអ្នកទេ ដែលយកលុយទៅដាក់ធនាគារ។ អត្ថបទថ្ងៃនេះនឹងលើកកកាយពីអ្វីដែលធនាគារធ្វើចំពោះលុយអ្នក៖

 

  • ធនាគារយកលុយរបស់អ្នកទៅបង់សេវាកម្ម ដែលពួកគេដាក់តម្លើងក្នុងទូរសព្ទ័ដៃ ឬតាមអ៊ីនធើណេត។

 

  • ចំណាយលើថ្លៃកាតឥណពន្ធដែលមានបន្ទះឈីប ថ្ម និងបច្ចេកវិទ្យាទូទាត់ដោយស្វយ័ប្រវត្តិ។

 

  • បង់ថ្លៃប្រតិបត្តិការប័ណ្ណឥណពន្ធនៅតាមក្រុមហ៊ុនឬកន្លែងលក់រាយតូចតាចដែលទទួលយកកាតសម្រាប់ទូទាត់ប្រាក់។

 

  • សម្រាប់ថ្លៃសេវាកម្មឲទៅធនាគារផ្សេងរាល់ពេលអ្នកដកសាច់ប្រាក់ពីម៉ាស៊ីនធនាគារ។

 

  • លុយរបស់អ្នកមិនមែនតម្កល់ទុកមួយកន្លែងនោះទេ។ ជារៀងរាល់ពេល ធនាគាររមែងដកយកប្រាក់របស់អ្នកដើម្បីវេរបន្ដសម្រាប់អ្នកស្នើសុំប្រាក់កម្ចី។ កុំភយ័អី!! លុយរបស់អ្នកមិនទៅណ​ានោះទេ។

 

 

រៀនសន្សំប្រាក់បើសិនចង់បានប្រពន្ធ

រៀនសន្សំប្រាក់បើសិនចង់បានប្រពន្ធ

ប្លែកពីប្រទេសដទៃ សម្រាប់មង្គលការនៅកម្ពុជាគឺពិតជាត្រូវចំណាយធនធានច្រើន ពោលគឺធ្វើឲគគ្រឹកគគ្រេងនិងតាមទំនៀមទម្លាប់ប្រពៃណីខ្មែរ។ អាស្រយ័ហេតុនេះហើយថ្លៃបណ្ដារការឬថ្លៃទឹកដោះភាគច្រើនគឺជាបន្ទុករបស់មនុស្សប្រុស។ យ៉ាងណាមិញអត្ថបទនេះមិនមែនសម្រាប់តែបុរសៗនោះទេ ប៉ុន្ដែក៏សម្រាប់នារីៗ ឬគូរស្នេហ៍ណាដែលមានបំណងចង់ជួយចែករំលែកគ្នាក្នុងការរៀបចំមង្គលការផងដែរ។ ខាងក្រោមជាអ្វីដែលអ្នកគួរដឹង៖

 

១ សន្សំសម្រាប់ថ្លៃបណ្ដារការ

ចៀសមិនផុតនោះទេ ដល់វយ័គង់តែដល់គូរ អាស្រយ័ហេតុនេះហើយនៅពេលចេញធ្វើការអ្នកត្រូវចេះទុកដាក់លុយសន្សំទុកសម្រាប់ចូលដណ្ដឹងកូនស្រីគេ។ អ្នកត្រូវចេះគុណគូរពីហាងឆេងថ្លៃទឹកដោះ ពីព្រោះបច្ចុប្បន្ននេះមានការឡើងថ្លៃ ដូចនេះអ្នកត្រូវមានគំនិតចេះបែងចែកប្រាក់ខ្លះដើម្បីសន្សំឬយកទៅរកស៊ីដើម្បីបង្កើតលុយ។

 

២ ចំណាយសម្រាប់មង្គលការ

ត្រង់ចំណុចនេះ បើដៃគូអ្នកមានគំនិតចង់ជួយចែករំលែក នោះអ្នកទាំងពីរត្រូវសិក្សាស្វែងយល់ពីការចំណាយសម្រាប់ពិធីមង្គលការមួយជាមុនសិន និងធ្វើគម្រោងថវិការឲបានត្រឹមត្រូវដើម្បីកំណត់គោលដៅក្នុងការសន្សំ។ គិតឲអស់តាំងពីថ្លៃរោង ថ្លៃសម្អាងការ ថ្លៃម្ហូបអាហារ សម្លៀកបំពាក់ ថតរូបជាដើម។ ជាការល្អ គូស្នេហ៍អាចពិភាក្សាបើកគណនីសន្សំមួយរួមគ្នាដើម្បីមង្គលការរបស់ពួកគេ។

 

៣ គិតពីចំនួនដែលត្រូវសន្សំ

បើសិនជាអ្នកច្បាស់លាស់ក្នុងការសម្រេចចិត្តហើយ នោះអ្នកត្រូវកំណត់គោលដៅនិងរយៈពេលសន្សំ ឧទាហរណ៍៖ ២ ទៅ ៣ឆ្នាំ។ កំឡុងពេលនេះដែរអ្នកគួរសម្រេចអំពីចំនួនប្រាក់ដែលគួរដាក់បញ្ចូលក្នុងគណនីប្រចាំខែផងដែរ ដើម្បីឲសមស្របតាមគម្រោង។

 

៤ តាមដានការសន្សំរបស់អ្នក

វាអាចនឹងពិបាកក្នុងការសន្សំប្រាក់ឲបានច្រើន ពីព្រោះអ្នកត្រូវកាត់បន្ថយចំណាយ ហើយមានខែខ្លះបានតិចឬបានច្រើន យ៉ាងណាមិញអ្នកត្រូវស្វាត់ស្វែងយ៉ាងណាឲដើរតាមគន្លងនៃគម្រោងសន្សំ។ បើសិនជាអាចអ្នកគួរព្យាយាមរកចំណូលខាងក្រៅបន្ថែមដើម្បីទប់ទល់់ការចំណាយនិងបង្កើនប្រាក់សន្សំសម្រាប់អាពាហ៍ពិពាហ៍។

 

 

SECC រំពឹង​ថា SME នឹង​ឡើង​ផ្សារ​ហ៊ុន​ឆ្នាំ​ក្រោយ SMEs get support to go public

SECC រំពឹង​ថា SME នឹង​ឡើង​ផ្សារ​ហ៊ុន​ឆ្នាំ​ក្រោយ

(English in Next Page)

 

ភ្នំពេញ ថ្ងៃទី 25 សីហា 2017: គណៈកម្មការ​មូល​បត្រ​កម្ពុជា (SECC) នៅ​ថ្ងៃ​នេះ​បាន​ចាប់​ផ្តើម​ដំណើរការ​កម្មវិធី​បណ្តុះ​បណ្តាល​ថ្មី​មួយ​ដើម្បី​អភិវឌ្ឍ​សមត្ថភាព​របស់​សហគ្រាស​ខ្នាត​តូច​និង​មធ្យម (SME) នៅ​កម្ពុជា​ទាក់ទង​នឹង​ការ​ពង្រឹង​គំនិត​អាជីវកម្ម និង​ការ​រៀបចំ​អភិបាលកិច្ច​អាជីវកម្ម ជា​អ្វី​ដែល​គេ​រំពឹង​ថា​នឹង​បើក​ផ្លូវ​ឲ្យ​មាន SME អាច​ឡើង​ផ្សារ​ហ៊ុន​នៅ​ឆ្នាំ​ក្រោយ​។

លោក ស៊ូ សុជាតិ ប្រធាន SECC បាន​ឲ្យ​ដឹង​កាល​ពី​ម្សិលមិញ​ថា «​កម្មវិធី​ល្អ​ឥត​ខ្ចោះ​» មាន​គោល​បំណង​អភិវឌ្ឍ​សមត្ថភាព និង​ចំណេះដឹង​អ្នក​ចូលរួម​ដោយ​ណែនាំ​ស្ដីពី​ការ​បង្កើត​ក្រុមហ៊ុន​ស្ដង់ដារ ការ​រៀបចំ​របាយការណ៍​ហិរញ្ញវត្ថុ​ត្រឹម​ត្រូវ និង​ការ​ទទួល​ហិរញ្ញប្បទាន​ដែល​រួម​ចំណែក​ដល់​កំណើន​អាជីវកម្ម​។

 

សម្រាប់ការអានបន្ថែម សូមចុច ទីនេះ

(ដកស្រង់ពី Post Khmer)

ក្រុមហ៊ុន​ធានា​រ៉ាប់រង​ជប៉ុន​​ បើក​ការិយាល័យ​តំណាង​នៅ​ភ្នំពេញ Japanese insurer opens new representative office

ក្រុមហ៊ុន​ធានា​រ៉ាប់រង​ជប៉ុន​​ បើក​ការិយាល័យ​តំណាង​នៅ​ភ្នំពេញ

(English in Next Page)

 

ភ្នំពេញ ថ្ងៃទី 24 សីហា 2017: ក្រុមហ៊ុន​ធានា​រ៉ាប់រង​ជប៉ុន Tokio Marine & Nichido Fire Insurance បាន​បើក​ការិយាល័យ​តំណាង​របស់​ខ្លួន​នៅ​ភ្នំពេញ​កាលពី​ដើម​សប្តាហ៍​នេះ ដើម្បី​សិក្សា​ពី​សក្តានុពល​ទីផ្សារ​ធានា​រ៉ាប់រង​នៅ​កម្ពុជា ក្នុង​គោលដៅ​ផ្តល់​សេវា​ធានា​រ៉ាប់រង​ដល់​ក្រុមហ៊ុន​ជប៉ុន​នៅ​កម្ពុជា​តាម​រយៈ​ក្រុមហ៊ុន​ដៃគូ​សហការ​។

នេះ​ជា​ជំហ៊ាន​ដំបូង​មួយ​ក្នុង​ការចូល​ទីផ្សារ​កម្ពុជា ដើម្បី​ឈាន​ទៅ​ដល់​ការ​ដំណើរការ​ក្រុមហ៊ុន​ផ្តល់​សេវា​ធានា​រ៉ាប់រង​ដ៏​ពេញលេញ​នា​ពេល​ខាង​មុខ​ពេល​ឱកាស​ទីផ្សារ​អំណោយផល​។ ការិយាល័យ​តំណាង​នេះ​មាន​ទីតាំង​នៅ​ក្នុង​សណ្ឋាគារ​កាំបូឌីយ៉ាណា​។

សេចក្ដី​ប្រកាស​ព័ត៌មាន​កាលពី​ថ្ងៃ​អង្គារ​ពី​ក្រុមហ៊ុន Tokio Marine Holdings Inc ជា​ក្រុមហ៊ុន​មេ​របស់​ក្រុមហ៊ុន Tokio Marine & Nichido Fire Insurance ឲ្យ​ដឹងថា​ទីផ្សារ​ធានា​រ៉ាប់រង​កម្ពុជា កំពុង​កើន​ឡើងជា​លំដាប់ ដោយ​សារ​កំណើន​សេដ្ឋកិច្ច​របស់​កម្ពុជា​ខ្ពស់​។

 

សម្រាប់ការអានបន្ថែម សូមចុច ទីនេះ

(ដកស្រង់ពី Post Khmer)