រកស៊ីជាមួយមិត្តភក្តិ

រកស៊ីជាមួយមិត្តភក្តិ

ពេលខ្លះចិត្តចង់បើកមុខរបរឯករាជ្យមួយផ្ទាល់ខ្លួនតែលុយស្ទើ គ្មានបទពិសោធន៍ ខ្លាចខាតច្រើន ដូចនេះហើយទើបចង់រកមនុស្សម្នាក់ដែលអាចចូលហ៊ុនជាមួយគ្នាក្រែងលពេលយ៉ាងម៉េចយ៉ាងម៉ាមិនសូវស្លន់ស្លោរ។ ការបណ្ដាក់ទុនរកស៊ីជាមួយមិត្តភក្តិជារឿងល្អមួយ ព្រោះអ្នកមានឱកាសរីកចម្រើនទាំងអស់គ្នាជាពិសេសសម្រាប់យុវជនខ្មែរ។ យ៉ាងណាមិញពេលខ្លះកាលៈទេសៈនិងបញ្ហាទើសទាល់ខ្លះរមែងកើតមានដែលអាចជាឧបសគ្គនិងបង្កជាផលអវិជ្ជមានខ្លះដល់អាជីវកម្ម។ ខាងក្រោមនេះជាចំណុចដែលត្រូវគិតនិងប្រុងប្រយត្ន័នៅពេលសម្រេចចិត្តចូលហ៊ុនគ្នា។

 

១ និយាយគ្នាដោយបើកចំហ

ការនិយាយគ្នាយ៉ាងស៊ីជម្រៅនេះគួរធ្វើឡើងមុនពេលសម្រេចចិត្តបង្កើតរបរឲចេញជារូបរាង ក៏ដូចជាកំឡុងពេលដំណើរការ ដើម្បីសិក្សាពីគ្នាឲកាន់តែច្បាស់អំពីគោលដៅ យុទ្ធសាស្រ្ត និងហានិភយ័ដែលអាចកើតឡើង។ ម្យ៉ាងវិញទៀតការពិភាក្សាគ្នាយ៉ាងបើកចំហនេះ អាចឲអ្នកយល់ដឹងពីចំណុចខ្លាំង ចំណុចខ្សោយដែលគួរកែលម្អសម្រាប់ការរកស៊ី ក៏ដូចជាបញ្ជៀសការយល់ច្រឡំ អាក់អន់ស្រពន់ចិត្តដែលអាចកើតមានឡើងជាយថាហេតុ។ ការដែលអាចអង្គុយនិយាយគ្នាបាន គឺភាគីទាំងសងខាងចាំបាច់មានឆន្ទៈ ការតាំងចិត្ត និងគោលដៅរៀងខ្លួន ហើយក៏ត្រូវបើកចិត្តឲទូលាយទទួលយកគំនិតយោបល់របស់ភាគីម្ខាងទៀតផងដែរ។

 

២ រៀបគម្រោងឲបានច្រើន

មុននឹងចាប់ផ្ដើមអ្នកត្រូវការរៀបគម្រោងសម្រាប់មុន កំឡុងពេល និងក្រោយពេលជំនួញដំណើរការ។ បែងចែកឲច្បាស់នូវតួនាទី និងទំនួលខុសត្រូវរបស់ម្នាក់ៗ។ បង្កើតផែនការសម្រាប់ជម្រុញជំនួញទៅមុខ កាលវិភាគពេលវេលា បញ្ជីហិរញ្ញវត្ថុ ដំណោះស្រាយសម្រាប់ហានិភយ័ គិតទាំងពេលអនាគតបន្ទាប់ពីរៀបការ ពេលឈឺថ្កាត់ ការទទួលយកដៃគូចូលរួមផ្សេងៗ ជាដើម។ ស្ដាប់ទៅដូចជាចង្អៀតចង្អល់ និងតឹងរឹុងម្ល៉េះ គ្រាន់តែការចូលគ្នារកស៊ីប៉ុណ្ណឹងសោះ?

ការពិតណាស់អ្វីក៏ដោយបើអ្នកចង់ឲដំណើរការបានល្អនិងមានរយៈពេលយូរអ្នកត្រូវចេះរៀបចំផែនការ បើពុំដូចនោះទេអ្នកអាចនឹងមានការលំបាកពេលជួបឧបសគ្គ។

 

៣ រៀបចំលិខិតផ្លូវការ

ការធ្វើបែបនេះមិនមែនមាននយ័ថា អ្នកមិនទុកចិត្តមិត្តភក្តិរបស់អ្នកនោះទេ ផ្ទុយទៅវិញជួយបង្កាផលប្រយោជន៍របស់អ្នកទាំងពីរនៅពេលមានរឿងអ្វីមួយកើតឡើង។ ការរត់ឯកសារផ្លូវការ មានស្នាមមេដាយ ភាគីត្រឹមត្រូវក្នុងលិខិតស្នាមប្រហែលជាមិនសូវនិយមសម្រាប់សហគ្រិនខ្មែរដែលចូលហ៊ុនរកស៊ីតូចតាចជាមួយមិត្តនោះទេ ព្រោះវាសាុំញាុំច្រើន។ ការដែលមានលក្ខខណ្ឌស្របច្បាប់ត្រឹមត្រូវអាចជួយបង្កើនទំនុកចិត្តនិងសុវត្ថិភាពចំពោះការរកស៊ីរបស់អ្នកមួយកម្រិតទៀត ព្រោះអ្នកមិនចាំបាច់ខ្វល់ខ្វាយពីភាពមិនស្មោះត្រង់រវាងគ្នានឹងគ្នា បើមានរឿងអ្វីកើតឡើងច្បាប់ជាអ្នកដោះស្រាយ។

៣ ចំណុចបង្ហាញថាតើអ្នកជាមនុស្សអសកម្មខ្លាំងកម្រិតណា

៣ ចំណុចបង្ហាញថាតើអ្នកជាមនុស្សអសកម្មខ្លាំងកម្រិតណា

ពេលខ្លះអ្នកឆ្ងល់ខ្លួនឯងថា តើអ្នកជាមនុស្សបែបណានៅកន្លែងធ្វើការ? តើឧស្សាហ៍ពេកឬលំៗ ឬអសកម្មខ្លាំងតែម្ដង?

ថ្ងៃនេះស្ពាននឹងបង្ហើបពីសញ្ញាទាំង៣បង្ហាញដល់អ្នកអានខ្មែរថាតើអ្នកជាមនុស្សបែបណានៅកន្លែងការងារ៖

១ អ្នកមិនចូលចិត្តអើពើឬមិននិយាយស្ដីអ្វីទាំងអស់

ភាពខុសគ្នាពីមនុស្សស្ងប់ស្ងាត់មិនចូលចិត្តនិយាយស្ដីព្រោះការអៀនប្រៀន និងមនុស្សដែលមិនចង់និយាយមានលក្ខណៈខុសគ្នា។ បើសិនអ្នកចូលរួមក្នុងការប្រជុំហើយមិនសូវយកចិត្តទុកដាក់ពីការលើកឡើងនូវមតិយោបល់របស់អ្នកដទៃ ហើយគិតតែចុចទូរសព្ទ័បន្លប់ភាពអផ្សុកនោះមាននយ័ថា អ្នកចំជាមនុស្សអសកម្មមែនហើយ។ ព្រោះអ្នកព្យាយាមច្រានចោល ធ្វើមិនអើពើចំពោះអ្វីដែលបានឮ។ ការធ្វើបែបនេះ បង្ហាញយ៉ាងច្បាស់ពីចំណុចអវិជ្ជមានរបស់អ្នកទៅកាន់អ្នកដទៃ ព្រមទាំងបង្អោនសីលធម៌និងសុជីវធម៌របស់អ្នកចំពោះអ្នកដទៃ។ អាស្រយ័ហេតុនេះអ្នកគួរកែទម្លាប់អាក្រក់នេះចោល ដោយទុកទូរសព្ទ័ដៃក្នុងកាបូបនិងដាក់សម្លេងញរ័ដើម្បីចៀសវាងការរំខាន។

 

២ អូសបន្លាយការងារ

ទម្លាប់មួយនេះតែងកើតឡើងចំពោះមនុស្សគ្រប់រូប ជាពិសេសសិស្សនិស្សិតខ្មែរក្នុងការអូសបន្លាយការងារដល់ថ្ងៃឬមួយយប់ចុងក្រោយសឹមបង្ហើយ។ ទម្លាប់អាក្រក់មួយនេះជះឥទ្ធិពលដល់វយ័ការងារ។ ការដែលទម្លាប់ទម្រន់ធ្វើការមួយៗ បណ្ដោយឲពេលទៅមុនចោល មិនផ្ដោតការយកចិត្តទុកដាក់១០០%ចំពោះការងារ ចូលចិត្តធ្វើនេះបន្ដិចនោះបន្ដិច ទុកការងារចោលពាក់កណ្ដាលផ្លូវ សុទ្ធសឹងតែជាសញ្ញាបង្ហាញពីភាពអសកម្មនៅកន្លែងការងារ។ ដូច្នេះហើយអ្នកត្រូវកែទម្លាប់អាក្រក់នេះចោល និងមានទំនួលខុសត្រូវចំពោះការងារខ្លួន។

 

៣ ទុកនរណាម្នាក់ចោល

នៅពេលដែលអ្នកមិនចូលចិត្តមិត្តរួមការងារណាម្នាក់ឬអាក់អន់ស្រពន់ចិត្ត ហើយអ្នកបែរជាដើរចេញ មិនរវល់ឬ និយាយឲសាមញ្ញមិនចង់​ជ្រលក់នឹងគេ។ អ្នកទៅណាមកណាជាមួយអ្នកដទៃទៀតដោយមិនរាប់គេបញ្ចូល នោះក៏បង្ហាញថាអ្នកជាមនុស្សអសកម្មក្នុងការប្រាស្រយ័ទាក់ទង និងដោះស្រាយបញ្ហាដែរ។ អ្នកគប្បីត្រូវដោះស្រាយទំនាស់ដោយការអង្គុយនិយាយគ្នាបែបមនុស្សធំ ព្រោះអ្នកមិនមែនកូនក្មេងដែលឈប់លេងចូលគ្នាពេលខឹងនោះទេ។

របៀបកសាងអាជីវកម្មទោះកំពុងធ្វើការ

របៀបកសាងអាជីវកម្មទោះកំពុងធ្វើការ

ដូចគេថា អ្នកធ្វើការអាចរកស៊ីបាន តែអ្នករកស៊ីមិនអាចមកកាន់ការងារតាមមុខជំនាញបាននោះទេ។ ចុះបើរកស៊ីផងធ្វើការផងវាយ៉ាងម៉េចវិញ? ច្បាស់ណាស់ថាអាចទៅរួច តែត្រូវយ៉ាងណាដើម្បីរក្សាតុល្យភាពរវាងការងារនិងមុខរបរបានរលូន? អត្ថបទនេះល្អបំផុតសម្រាប់ប្រជាជនកម្ពុជា។

 

១ ត្រូវច្បាស់ថាមុខរបររបស់អ្នកមានទីផ្សារ

ជាការពិតណាស់ ការច្បាស់ក្នុងចិត្តថាមុខរបរអ្នកមានទីផ្សារដែលមានសង្ឃឹមច្រើនក្នុងការប្រឡូកជាការល្អនិងប្រុងប្រយត្ន័ទុកមុន។ ព្រោះថាបើផលិតផលឬអាជីវកម្មរបស់អ្នកអាចមិនសូវទទួលបានចំណាប់អារម្មណ៌ នោះអ្នកនឹងប្រឈមការខាតបង់។ ឧទាហរណ៍៖ នៅកម្ពុជាបើអ្នកមានចំណាប់អារម្មណ៌ចង់បង្កើតរបរទាក់ទងនឹងរបស់ញាុំដូចនេះមុននឹងសម្រេចចិត្តបណ្ដាក់ទុនអ្នកត្រូវសិក្សាជាមុនសិន ពីប្រជាជនខ្មែរថាតើពួកគាត់ចូលចិត្តអ្វី? ត្រូវការអ្វី? ដើម្បីដាក់ឲចំគោលដៅ។

 

២ បង្កើតគម្រោងនិងកាលវិភាគពេលវេលា

កុំភ្លេចថាទោះបីជាអ្នកមានមុខរបរផ្ទាល់ខ្លួនក៏ដោយ កុំភ្លេចថាអ្នកនៅតែមានតួនាទីជាបុគ្គលិកសម្រាប់ក្រុមហ៊ុនដែលអ្នកធ្វើការ។ អាស្រយ័ហេតុនេះអ្នកត្រូវចេះរៀបគម្រោងសម្រាប់អាជីវកម្ម និងបែងចែកពេលវេលាឲបានជាក់លាក់សម្រាប់ការងារនិងមុខជំនួញ។

 

៣ ត្រូវចេះប្រើបច្ចេកវិទ្យាឲបានត្រឹមត្រូវ

ជាការពិតណាស់បច្ចេកវិទ្យាបានក្លាយជារបស់សំខាន់និងផ្នែកមួយនៃជីវិតរបស់មនុស្សគ្រប់រូប។ កាលពីមុន សម្រាប់អ្នករកស៊ីការប្រាស្រយ័ទាក់ទងឲបានដិតដល់ជាមួយអតិថិជនមានការលំបាកច្រើន ប៉ុន្ដែសម្រាប់សតវត្សន៍ថ្មីនេះលែងជាឧបសគ្គទៀតហើយ។ អ្នកអាចប្រាស្រយ័ទាក់ទង ទទួលការកម្មង់ ទទួលសាច់ប្រាក់ និងការដឹកជញ្ជូនដល់អតិថិជនបានយ៉ាងងាយ ទោះបីជាកំឡុងពេលធ្វើការក៏ដោយ។

 

៤ កុំឲបាត់បង់ការយកចិត្តទុកដាក់ចំពោះការងារ

សម្រាប់អាជីវកម្មតំបូងនៅពេលដែលអ្នកទទួលបានការចំណេញនិងដំណើរការបានល្អ អ្នកប្រហែលជាមានភាពសប្បាយត្រេកអរ ព្រមទាំងចំណាយកម្លាំងកាយនិងចិត្តកាន់តែច្រើនបន្ថែមទៀត។ យ៉ាងណាមិញ សូមកុំភ្លេចឆ្នាំងបាយដើមដែលជាប្រភពចំណូលទៀងទាត់របស់អ្នក។ ពេលធ្វើការអ្នកត្រូវផ្ដោតចំណាប់អារម្មណ៌និងការយកចិត្តទុក ព្រមទាំងបំពេញតួនាទីជាបុគ្គលិកល្អម្នាក់។

 

 

 

 

ជំនាញទន់ទាំង៤យ៉ាងដែលអ្នកចាំបាច់មានក្នុងឆាកជីវិត

ជំនាញទន់ទាំង៤យ៉ាងដែលអ្នកចាំបាច់មានក្នុងឆាកជីវិត

នៅក្នុងរបត់សង្គមទូទៅមិនថា នៅក្រៅប្រទេសឬក្នុងប្រទេសកម្ពុជាក៏ដោយ ជំនាញរឹងត្រូវបានគេចាត់ទុកជាមូលដ្ឋានគ្រឹះនៃចំណេះដឹង យ៉ាងណាមិញជំនាញទន់ក៏មានសារៈសំខាន់ណាស់ដែរជាពិសេសសម្រាប់ទំនាក់ទំនងប្រចាំថ្ងៃ។ ថ្ងៃនេះស្ពាននឹងបង្ហាញប្រាប់អ្នកពីជំនាញទន់ទាំង៤ដែលអ្នកចាំបាច់ត្រូវចេះ ដើម្បីការប្រាស្រយ័ទាក់ទងល្អក្នុងជីវិត៖

 

១ ជំនាញទំនាក់ទំនង

ជំនាញមួយនេះសំខាន់ណាស់មិនថាក្នុងរបត់កាលៈទេសៈបែបណានោះទេ សូម្បីតែមុខរបររកស៊ី កន្លែងការងារ សាលារៀនក៏ដោយ។ អ្នកដែលមានទំនាក់ទំនងល្អជាមួយអ្នកដទៃរមែងជាអ្នកដឹកនាំល្អម្នាក់ព្រមទាំងជាទីចូលចិត្តសម្រាប់មនុស្សទូទៅ ព្រោះពួកគាត់យល់ដឹងពីគន្លឹះក្នុងការប្រាស្រយ័ទាក់ទងជាមួយមនុស្សគ្រប់ស្រទាប់និងគ្រប់ប្រភេទ។

 

២ ស្ដាប់

ស្ដាប់នេះមិនមែនសំដៅទៅលើមុខវិជ្ជាជំនាញរឹងដែលប្រើសោតវិញ្ញាណដើម្បីប្រលងយកពិន្ទុនោះទេ គឺសម្ដៅទៅលើបុគ្គលដែលចូលចិត្តស្ដាប់ច្រើនជាងនិយាយ។ ដូចពាក្យចាស់បុរាណខ្មែរតែងពោលថា ចូរស្ដាប់ឲបានច្រើនជាងនិយាយ។ មាននយ័ថា ពេលដែលយើងស្ដាប់ច្រើន យើងអាចមានពេលយកសម្ដីគេមកគិតនិងវាយតម្លៃ ព្រមទាំងជួយចៀសវាងការមានកំហុសឬមន្ទិលសង្សយ័នានា។ ការស្ដាប់ច្រើនជាងនិយាយ គឺជាការគោរពមួយចំពោះអ្នកដទៃដោយបង្ហាញថាអ្នកចាប់អារម្មណ៌និងឲតម្លៃទៅលើកិច្ចពិភាក្សាឬការសន្ទនា។

 

៣ ការលើកទឹកចិត្ត

មិនថាជាអ្នកដឹកនាំឬជាមនុស្សសាមញ្ញម្នាក់ក៏ដោយ ការចេះនិយាយលើកទឹកចិត្តអ្នកដទៃជាអ្វីដែលអ្នកចាំបាច់ត្រូវចេះនិងបង្ហាញទៅកាន់អ្នកដទៃ ជាពិសេសពេលធ្វើការក្រុម ព្រោះវាហាក់បីដូចជាវីតាមីនជំនួយកម្លាំងចិត្តនិងឆន្ទៈរបស់សមាជិកក្រុមឲឆ្ពោះទៅកាន់គោលដៅរួមគ្នា។ ការធ្វើបែបនេះមិនត្រឹមតែបង្កើនការគោរពស្រឡាញ់ពីអ្នកដទៃនោះទេ ថែមទាំងជួយឲអ្នកក្លាយជាមនុស្សវិជ្ជមានម្នាក់ទៀតផង។

 

៤ ការបង្កើតថ្មី

ជាធម្មតាប្រជាជននៅក្នុងសង្គមខ្មែរភាគច្រើនមានភាពអៀនប្រៀនក្នុងការបញ្ចេញមតិយោបល់ឬគំនិតថ្មីៗព្រោះខ្លាចត្រូវគេសើចចំអក។ គំនិតអវិជ្ជមានទាំងនេះគួរណាតែកែលម្អចេញ ហើយអ្នកត្រូវក្លាហានហ៊ានបញ្ចេញគំនិតថ្មីប្លែករបស់ខ្លួនទៅកាន់អ្នកដទៃ។ សូមកុំគិតថា គំនិតរបស់អ្នកឆ្កួតៗ ចាកប្រធាន ឬ នឹងត្រូវគេសើចចម្អកអី ថាមិនត្រូវគំនិិតបង្កើតថ្មីរបស់អ្នកអាចជួយក្រុមហ៊ុនរបស់អ្នកឲកាន់តែរីកចម្រើនផងក៏ថាបាន។ មនុស្សដែលមានការបង្កើតថ្មី និងចូលចិត្តគិតអ្វីក្រៅប្រអប់មានសារៈសំខាន់ណាស់សម្រាប់ភារៈកិច្ចការងារទូទៅ។

 

 

 

 

នេះជារបៀបចាប់ផ្តើមគម្រោងសន្សំដែលអ្នកអាចអនុវត្តតាម

នេះជារបៀបចាប់ផ្តើមគម្រោងសន្សំដែលអ្នកអាចអនុវត្តតាម

អ្នកតែងរអ៊ូថា ប្រាក់ខែចាយមិនគ្រប់ លុយចាយមិនគ្រាន់ ចាយលុយសល់ថ្ងៃ ចុះទម្រាំតែឲសន្សំលុយទៀតនោះមិនដាច់ផ្ងារទេអី? ពិតណាស់! ការសន្សំប្រាក់មិនងាយស្រួលដូចការចាយប្រាក់នោះទេ តែយ៉ាងណាមិញប្រាក់សន្សំក៏មានប្រយោជន៍អាចជួយអ្នកដោះទាល់បានពេលខ្លះដែរ ទោះបីវាមិនសូវជាពេញនិយមសម្រាប់ប្រជាជនខ្មែរក៏ដោយ។ យ៉ាងណាមិញបើអ្នកមានឆន្ទៈ និងការតាំងចិត្តនោះគ្មានអ្វីដែលមិនអាចធ្វើបានទេ។ ខាងក្រោមនេះជាវិធីសាស្ត្រល្អបំផុតសម្រាប់អ្នក៖

 

១ សន្សំក្បាលកាក់

ជាទូទៅពេលដែលអ្នកទិញអ្វីម្យ៉ាងរមែងទទួលបានប្រាក់អាប់មកវិញ ដូចជា ១០០៛ ៥០០៛ ១០០០៛ ជាដើម។ ត្រូវចាំថាខ្វះ១០០៛ក៏មិនបាន១០០០០៛ដែរ ដូចនេះហើយអ្នកត្រូវចេះឲតម្លៃវា។ រៀងរាល់ចុងសប្ដាហ៍អ្នកគួរតែយកលុយរាយទាំងនោះដាក់ចូលក្នុងក្រឡសន្សំ ថាមិនត្រូវពេលចាក់មកវិញក៏ហោចណាស់សន្សំបាន ២០០០០៛ ៣០០០០៛ ដែរ។

២ កំណត់ត្រាចាយវាយប្រចាំសប្ដាហ៍ឬខែ

សម្រាប់យុវជនខ្មែរ ក្បួននេះមិនសូវជានិយមប៉ុន្មានទេ ហើយក៏មិនសូវយកចិត្តទុកដាក់ពីការកត់ត្រាចំណាយប្រចាំសប្ដាហ៍ឬខែដែរ។ ប៉ុន្ដែវិធីសាស្រ្តនេះល្អ សម្រាប់ជាការក្រើនរំលឹកថាអ្នកបានចាយអស់ប៉ុន្មាន ចំណាយលើអ្វីខ្លះ ជាជាងមិនដឹងបានលុយទៅណា។ កត់ចូលទាំងអស់តាំងពីចំណាយតូចដល់ធំ។

 

៣ កុំចាយលើសកំណត់

អ្នកត្រូវចេះបែងចែកនិងដាក់កម្រិតលើខ្លួនឯងចំពោះការចាយវាយ កុំចេះតែចាយពេលមានលុយក្នុងដៃ ហើយមិនបានសន្សំទុក។ ការចាយវាយធំពេកអាចនាំអ្នកទៅរកការជំពាក់បំណុលបាន ដោយសារតែភ្លេចគិត និងធ្វើតាមចំណង់ចិត្ត។

 

៤ កសាងមូលនិធិសម្រាប់គ្រាអាសន្ន

អ្នកមិនអាចទាយដឹងមុនទេ ថាថ្ងៃស្អែកទៅជាបែបណា។ ពេលខ្លះប្រាក់របស់អ្នកពេលនេះអាចត្រឹមតែមួយចាយគ្រប់តែប៉ុណ្ណោះ ដូចនេះហើយការបង្កើតប្រាក់សន្សំសម្រាបការចាំបាច់ណាមួយជារឿងល្អ។ ការចំណាយដោយមិនបានព្រៀងទុកអាចកើតឡើងគ្រប់ពេលទាំងចំពោះរឿងល្អដូចជាដំណើរកំសាន្ដ បង់ថ្លៃសិក្សាផ្សេងៗ ថែមទាំងរឿងអាក្រក់ដូចជា ពេលឈឺ គ្រោះថ្នាក់ចរាចរណ៍ ជួសជុលផ្ទះជាដើម។

 

៥ កន្លែងទុកដាក់ប្រាក់សន្សំ

បើសិនអ្នកទុកដាក់ប្រាក់សន្សំធំឬច្រើន ដូចនេះការដែលទុកលុយនៅផ្ទះមិនមានសុវិត្ថភាពនោះទេ ព្រោះអាចនឹងមានឧបទ្វេវហេតុណាមួយកើតឡើង។ ដូចនេះការជ្រើសរើសកន្លែងល្អបំផុតសម្រាប់ទុកដាក់ប្រាក់សន្សំគឺធនាគារ ព្រោះធានាបានទាំងសុវិត្ថភាពនិងទទួលបានទាំងការប្រាក់។