ប្រាក់ផ្ទាល់ខ្លួន/គ្រួសារ

ចំណុចដែលម្ដាយឪពុកគួរតែវិនិយោគទៅលើការអប់រំរបស់កូនៗ

ម្ដាយឪពុកណាក៏ចង់ឲ្យកូនរបស់ខ្លួនមានអនាគតភ្លឺស្វាង។ ហើយដើម្បីឲ្យពួកគេមានអនាគតភ្លឺស្វាង អ្នកដែលជាម្ដាយឪពុក មានកាតព្វកិច្ច ក្នុងការផ្ដល់ឲ្យពួកគេនូវចំណេះដឹង។ ការបោះទុនទៅលើការអប់រំគឺជាអំណោយមួយដ៏មានតម្លៃមិនអាចកាត់ថ្លៃបានសម្រាប់អនាគតរបស់ពួកគេ។ ថ្ងៃនេះដែរស្ពាននឹងចែកចាយអ្នកអំពីចំណុចដែលម្ដាយឪពុកគ្រប់រូបគួរតែពិចារណាអំពីការអប់រំសម្រាប់កូនៗរបស់ពួកគេ។  

 

  1. ចាប់ផ្ដើមសន្សំក្នុងពេលដែលពួកគេនៅតូច

នេះគឺជាគោលបំណងរយះពេលវែង អញ្ចឹងហើយម្ដាយឪពុកគួរតែចាប់ផ្ដើមមានគម្រោងទាន់កូនពួកគាត់នៅក្មេង។ ប្រសិនបើកូនរបស់អ្នកអាយុ៣ទៅ៤ឆ្នាំអ្នកនៅមានពេលជាច្រើនទៀតដើម្បីត្រៀមសម្រាប់ថ្ងៃអនាគតរបស់ពួកគេ។ ប៉ុន្តែប្រសិនបើអ្នកពន្យាក្នុងការវិនិយោគវិញអ្នកនឹងត្រូវចំណាយប្រាក់វិនិយោគច្រើនជាងមុនក្នុងមួយខែៗ។ នៅពេលដែលអ្នកសន្សំប្រាក់សម្រាប់ការអប់រំរបស់កូនអ្នក សូមចាំថាគម្រោងសន្សំទាំងអស់គឺអាស្រ័យទៅលើចំនូលដែលអ្នកជាម្តាយឪពុកមាន។ តើអ្នកគួតែសន្សំប្រាក់ប៉ុន្មានទៅ?​ តើវាល្អទេប្រសិនបើមានគោលដៅច្បាស់លាស់។ ពួកយើងនិងនិយាយនៅអត្ដបទខាងមុខ។

 

  1. ប្រាក់សម្រាប់ថ្នាក់មហាវិទ្យាល័យ

វិនិយោគសម្រាប់កូនរបស់អ្នកពេលចូលមហាវិទ្យាល័យគឺជារឿងមួយដ៏សំខាន់ដែលម្ដាយឪពុកគ្រប់រូបគួរតែពិចារណា។ នៅពេលដែលពួកគេចំណាយពេល១២ឆ្នាំដើម្បីបញ្ចប់ថ្នាក់វិទ្យាល័យអ្នកមិនសូវចំណាយប្រាក់ច្រើនប៉ុន្មានទេ។ ប៉ុន្តែបន្ទាប់មកប្រសិនបើអ្នកចង់ឲ្យពួកគេមានភាពឯករាជ្យនៅស្រុកគេ អ្នកត្រូវចំណាយប្រាក់ច្រើនណាស់សម្រាប់ថ្នាក់មហាវិទ្យាល័យរបស់ពួកគេ។ អញ្ចឹងហើយអ្នកគួតែចាប់ផ្ដើមសន្សំពីឥលូវទៅ។​ វិនិយោគប្រាក់ សម្រាប់កូនរបស់អ្នកពេលមហាវិទ្យាល័យគឺជារឿងមួយដ៏សំខាន់ដែលម្ដាយឪពុកគ្រប់រូបគួតែពិចារណា។